Others فاراں کی چوٹیوں پہ جو چمکا عرب کا چاند

Discussion in 'اردو شاعری' started by intelligent086, Apr 5, 2019.

  1. intelligent086 FK Lover FK Lover Member Of The Month

    Messages:
    22,556
    Likes Received:
    2,639
    Trophy Points:
    98

    فاراں کی چوٹیوں پہ جو چمکا عرب کا چاند
    ہر سمت کر گیا ہے اجالا عرب کا چاند

    وہ سرزمین بوسہ گہِ قدسیاں ہوئی
    جس سرزمیں کی خاک پہ اُترا عرب کا چاند

    اس پر بصارتوں کا صحیفہ تمام ہے
    جس خوش نصیب آنکھ نے دیکھا عرب کا چاند

    رخشندگی میں کون عدیم المثال ہے
    لوحِ تخیلات پہ اُبھرا عرب کا چاند

    مہر و مہ و نجوم کی دنیا ہو مضطرب
    کر دے جو اک ذرا سا اشارا عرب کا چاند

    سدرہ سے اُس طرف کے مناظر بدل گئے
    معراج رات عرش پہ پہنچا عرب کا چاند

    خوفِ غروب جس کو نہ رنجِ کُسُوف ہے
    نقشِ ابد نشاں ہے وہ پورا عرب کا چاند

    ڈاکٹر ارشد محمود ناشادؔ

    کتابی سلسلہ ، جہانِ نعت ،کراچی
    (فروری تاجون 2017)
    صفحہ نمبر 204

     

Share This Page