Others درد کا درماں چین کا عنوان اک تو ہی

Discussion in 'اردو شاعری' started by intelligent086, Dec 19, 2018.

  1. intelligent086 FK Lover FK Lover Member Of The Month

    Messages:
    22,556
    Likes Received:
    2,639
    Trophy Points:
    98
    درد کا درماں چین کا عنوان اک تو ہی
    سب کے خانۂ دل کا مہماں اک تو ہی
    تیری ذات لافانی کا کیا کہنا
    ذرے ذرے میں ہے نمایاں اک تو ہی
    باغ بھی تیرے، گل بھی تیرے ہیں مالک
    رکھتا ہے شاداب گلستاں اک تو ہی
    غم کی کوئی گنجائش ہو تو کیسے
    جب رکھتا ہے دل کو شاداں اک تو ہی
    کرنا ہے تا عمر خدایا مجھ کو طواف
    میں پروانہ، شمع فروزاں اک تو ہی
    بخشی ہے سورج کو تو نے تابانی
    چاند کو بھی کرتا ہے درخشاں اک تو ہی
    ہوتا ہے تاریک دل طالبؔ جب بھی
    کر دیتا ہے اس میں چراغاں اک تو ہی
     

Share This Page